不知為何每一次當我轉換新環境的時候, 總會突然多了好多時間做自己的事。 幾年前的一次我就花了三年時間夜晚去學版畫(雖然最後一年幾乎等於無上過堂); 這次就學人跑去"健身"~~呵呵
想來其實都幾奇怪, 我想自己都算係懶個類人, 乘自己"得天獨厚"食極唔肥(註: 其實已經唔係左好耐啦!), 做運動呢下o野呢總係明日復明日....
我的健身教練是一號同二小姐的好朋友, 有日在牛記撞到寒暄了幾句"喂呀近來好嗎我好呀係呀肥左d 呀得閒搵你研究下健身問題再call啦哈~".....然後大家又各自回歸彼此的飯桌。五分鐘後, 我想, 如果有心搵人, 點解要等"再call"呢? 於是我就馬上和教練約好了時間再見面。那天我準時到達他的辦公室, 教練在測試過我的體能和知悉我年青時是田徑好手後, 相當之看得起我地幫我狂操了三個鐘, 結果...當然是第二天"發晒軟蹄"幾乎要爬落樓梯。教練原以為我會因此而嚇怕以後唔敢再去,咮不知我卻如上o左癮般由每週健身三天變為五天, 呵呵呵。
其他細節就不詳說了。
成日有人講做運動有咩好處, 但都要真係去做才能受惠; 我就因為做了三個星期運動而那些腰背腳痛、緊張和睡不安寧的毛病都消失了,真係神奇。而且我仲覺得個人精靈左好多, 仲個個禮拜同二小姐鬥準時上堂鬥多白兔。大家都快d 去做下運動, 唔好怠慢啦~~
