今天做了一個亞視叫"金錢世界"節目的訪問, 訪問內容都是講幫indie band攪show/sandymama dot com的東東。最近真不知交上什麼運, 訪問一個接一個, 難得是自己不但沒有以前般抗拒, 反而又覺得幾好玩喎。我和親信云斯說, 可能是因為以前幫人做宣傳做得多, 發現要培養一個人其實不是一件易事, 不論金錢上精神上你可能要用上好幾年去幫人建立一d o野, 但如果一下唔覺意唔再合作, 自己的心血就化作零了....真係唔好咁笨不如培養自己好了, 至少沒有人可以取走它。云斯笑笑說: 你總是那樣後知後覺啊!
我其實唔係想講邊個, 而係忽然想講overall對於一個全心全意去栽培藝人的經理人/宣傳人員來說, 如果有一天在不可預測的情況下彼此終止了合作, 她/他曾經對藝人的投資(有形也好無形也好)都馬上煙消雲散了, 更糟的是被人多謝都冇聲冷手執個熱煎堆... 你話呀真是何等被傷害的事; 因為在一般情況下, 藝人和固有經理人/唱片公司不再合作, 普羅大眾都只會覺得梗係呢間公司/呢個經理人衰啦.... 所以為了自保,有理由相信公司抽佣抽得勁係有原因的。
即係咁, 我其實唔係想講邊個, 正所謂一家唔知一家事, 我唔知人地點, 亦唔係話自己有咁諗, 我個人講誠意o家嘛。但有時有誠意得滯, 到最後都只係被人笑: 乜你咁笨o架?
在唱片公司工作時, 有一年有人話要升我做總經理, 被我斷言婉拒了。當時我真的很傻很天真覺得, 自己未夠班唔配升做總經理, 覺得對artiste要負很大責任...云云, 最終結果是, 被一個再低你兩班的人升做你頂頭然後點你做o野.....呢個都唔係最傷, 最傷係你因為無做過唱片公司高層, 所以普羅大眾就會以"保姆"來定義你的職位~~係呀, 原來嚮香港如果你唔係唱片公司高層, 其他工作人員就只係"保姆"啦。呢個係一個我認識了十多年的媒體朋友給我所做的職位唯一定義。
朋友笑說, 這就是你沒有"騾飯應"做高層的後遺症。
真活該!
云斯又笑說: 咪係o羅, 你次次都話下次死都”騾飯應”o左先啦!
係係係... 係我口不對心, 或真係後知後覺? 所以努力培養自己相信係08年的事業前提了。
記得很久以前聽過一對男女鬧分手, 女的對圈內男友說: 你的事業我也有份的, 請你不要"糟蹋"它。是的, 你沒有珍惜我沒有關係, 但請你不要"糟蹋"了我們共同建立的東西。我相信不只在圈內, 即使是圈外人, 譬如工作伙伴, 生意拍檔, 如果有日不再合作, 也不希望對方把自己多年心血糟蹋掉。想來, 我可能也 “糟蹋”了自己對自已的期許, 不過人誰無過呢? 從今以後比多d 時間自己就是了。
PS: 好事之徒, 我不是心有所指, 唔好諗錯隔離。
PPS: 兩隻妹啊, 你O地就快出新碟了, 比心機啊你知唔知呀正所謂『你的事業我也有份的, 請你不要"糟蹋"它。』哇哈哈~~唔係咩呀。:)
